我成日覺得煮野好唔好食, 好睇有冇心機, 有冇動力同埋真係要睇自己個阿媽煮野好唔好食, 呢期我成日煮飯之後, 很多朋友同埋晶佬都覺得我煮飯煮得唔錯, 不過晶媽多數都彈到一棟都冇...

為左晶佬個胃, 我的確花左唔小心機, 最麻煩0既係, 為左唔食菜0既晶佬, 我要絞盡腦汁令到佢食菜, 真係好似0的小朋友咁樣, 晶佬食飯最最最最緊要0既要素之一就係要有汁, 冇汁佢食唔到飯, 因為佢冇咩牙, 所以我一係煮0的餸有汁, 一係就要煲湯, 不過基本上晶佬隔日就會有我0既晶晶靚湯...

有次晶佬同我講想食京都肉排, 我就上網搵下點樣煮比佢食, 我依家成日都會上網搵食譜, 有時阿蘇煮完0的野, 我都會學, 就算唔煮都會寫低0係我個私家食譜度, 因為唔知幾時會煮到呀嘛, 雖然有食譜, 但都要自己執生, 不過煮完晶佬話好好食, 我又好開心啦! 又有一次, 晶佬話要食牛腩, 呢個真係考起, 我呢個唔食牛, 廚藝都未算好好0既我, 絕對係大考驗, 好彩後尾都煮到, 不過過程好復雜, 好麻煩, 所以依家我問晶佬想食咩, 佢都唔敢答我啦...

我煮完0的餸多數都會影下相, 以下係其中一0的, 因為有時唔記得影啦...

其實越簡單0既餸係越難整, 肉餅真係好難整得好食, 因為煮0既過程冇得試味, 晶媽0既肉餅, 我永遠都學唔到啦...

欖角菜心炒排骨

茄汁蝦碌

京都肉排, 蕃茄薯仔炆雞亦, 因為我同晶佬都唔鐘意食蕃茄, 為左令自己同晶佬都肯食, 所以我就擰黎炆我至愛0既雞亦啦...

呢個就係十級麻煩0既柱侯牛腩, 真係不可一, 不可再, 而且我覺得呢味唔係健康0既餸啦...

呢個係好似BB MUM MUN 0既粥仔, 牙痛0既我, 就係靠呢0的粥吊命, 由於我唔想咬野又想晶佬食菜, 所以就加埋0的菜0係裡面啦....

我最鐘意食0既餸之一, 咖喱雞, 不過多數會加埋蘿蔔. 一來靚0的, 二來有益..

洋蔥豬扒, 要令0的豬扒林得黎入味, 要多點功夫啦...

呢個餸係我自己最鐘意食, 有益, 唔難煮, 又可以送飯0既翠肉瓜粉絲肉碎

晶佬話要食栗米肉粒, 我又想佢食菜, 所以加左佢比較鐘意食0既西蘭花....